తెలంగాణలో 18 ఏళ్లు దాటిన ప్రతిఒక్కరికీ డిజిటల్ కార్డులు.. ఎందుకోసమంటే..!

తెలంగాణలో 18 ఏళ్లు దాటిన ప్రతిఒక్కరికీ డిజిటల్ హెల్త్ కార్డులు అందజేయాలని ప్రభుత్వం డిసైడ్ అయింది. ప్రజల ఆరోగ్య పరిస్థితిగతులపై సమగ్ర సమాచారం అందుబాటులోకి తేవటంతో పాటు ఈ రికార్డులతో మెరుగైన, అత్యవసర వైద్య సేవలు అందించవచ్చునని ప్రభుత్వం భావిస్తోంది.

ప్రధానాంశాలు:

  • తెలంగాణ ప్రభుత్వం కీలక నిర్ణయం
  • 18 ఏళ్లు దాటిన ప్రతిఒక్కరికీ డిజిటల్ హెల్త్ కార్డులు
  • అత్యవసర, మెరుగైన చికిత్స కోసం హెల్త్ కార్డులు

తెలంగాణ ప్రభుత్వం మరో కీలక నిర్ణయం తీసుకుంది. ఇప్పటికే ఆసరా పథకం కింద ఆరోగ్య శ్రీ పరిమితిని పెంచిన ప్రభుత్వం తాజాగా.. రాష్ట్ర ప్రజల డిజిటల్‌ హెల్త్‌ రికార్డుల రూపకల్పనకు రెడీ అయింది. ఈ మేరకు తెలంగాణ వైద్య ఆరోగ్య శాఖ చర్యలు చేపడుతోంది. 18 ఏళ్లు పైబడిన ప్రతి ఒక్కరికీ డిజిటల్‌ హెల్త్‌కార్డులను అందజేయడంతో పాటు ఒక ప్రత్యేక గుర్తింపు సంఖ్యను కేటాయించాలని ప్రభుత్వం నిర్ణయించింది. ఈ నేపథ్యంలో మార్గదర్శకాలపై రాష్ట్ర వైద్య ఆరోగ్య శాఖ ఉన్నతాధికారులు దృష్టి సారించారు.

డిజిటల్‌ రికార్డుల తయారీ కార్యాచరణలో భాగంగా వివిధ అంశాలను పరిశీలిస్తున్నారు. ప్రజల ఆరోగ్య స్థితిగతులపై సమగ్ర సమాచారం అందుబాటులోకి తేవడంతో పాటు ఈ రికార్డు ద్వారా మెరుగైన, అత్యవసర వైద్య సేవలను అందించేందుకు వీలవుతుందని సర్కార్ భావిస్తోంది. దీనిద్వారా ప్రజల ఆరోగ్య సమస్యలు, అందించాల్సిన వైద్యం, మెరుగుపరచాల్సిన వైద్య వసతులు, తీసుకోవాల్సిన విధానపరమైన నిర్ణయాలు, నిధుల కేటాయింపు, వైద్య ఆరోగ్యశాఖకు ప్రాధాన్యం తదితర అంశాలపై పూర్తి స్పష్టత వస్తుందని వైద్యాధికారులు చెబుతున్నారు. డిజిటల్‌ హెల్త్‌కార్డులను రూపొందించేందుకు అవసరమైన ప్రాథమిక అంశాలపై కసరత్తు చేస్తున్నట్లు తెలిపారు.

హెల్త్‌కార్డు ద్వారా సంబంధిత వ్యక్తి ఆరోగ్యం, అనారోగ్య పరిస్థితులు, గతంలో అందిన వైద్యం, చికిత్స, ఉపయోగిస్తున్న మందులు, సమస్య, డాక్టర్ల అభిప్రాయం వంటి అంశాలన్నీ డిజిటల్‌ రికార్డు రూపంలో అందుబాటులో ఉండనున్నాయి. రాష్ట్రంలో ఎక్కడ చికిత్సకు వెళ్లినా.. ఈ వివరాలన్నీ ప్రభుత్వ ఆసుపత్రుల్లోని వైద్యులకు వెంటనే తెలియడంతో మెరుగైన చికిత్స, వైద్యసేవలకు అవకాశం ఉంటుందని అధికారులు తెలిపారు. ఈ కార్డును ఆరోగ్యశ్రీతోను.. ఆధార్‌తోనూ అనుసంధానం చేయనున్నట్లు వెల్లడించారు.

ఈ ప్రక్రియలో భాగంగా ఆరోగ్య సిబ్బంది క్షేత్రస్థాయి ఇంటింటికీ వెళ్లి వ్యక్తిగత వివరాలను సేకరించి నమోదు చేస్తారు. ఎత్తు, పొడవు, బరువు వంటి వివరాలతో పాటు రక్త, మూత్ర పరీక్షలు చేసి వాటిద్వారా ఆరోగ్య సమస్యలను గుర్తించి రికార్డు చేస్తారు. బీపీ, మధుమేహం వంటి వ్యాధులతో పాటు ఇతర ఆరోగ్య సమస్యలు ఏవైనా ఉన్నా గుర్తించనున్నారు. సమస్యలు ఉంటే ప్రత్యేక యాప్‌లో నమోదు చేసి చికిత్స అందిస్తారు. ఇలా వ్యక్తిగత రికార్డులను నమోదు చేసి.. అనంతరం వారికి అవసరమైన వైద్యసాయం అందిస్తారు.

ఏ ప్రభుత్వ ఆసుపత్రిలో చికిత్సకు వెళ్లినా హెల్త్ కార్డులోని గుర్తింపు సంఖ్య నమోదుతో వివరాలు వెంటనే అందుబాటులోకి వస్తాయి. ప్రజల ఆరోగ్య సమస్యలు, సీజనల్‌ వ్యాధులు, ముందుగా తీసుకోవాల్సిన జాగ్రత్తలు వంటివాటిని గుర్తించేందుకూ అవకాశం ఉండనుంది. డిజిటల్‌ డేటాను భద్రపరుస్తున్న నేపథ్యంలో రాష్ట్ర వైద్య ఆరోగ్య శాఖ, ఐటీ విభాగం సమన్వయంతో దీనిపై ప్రత్యేకంగా దృష్టి సారించనుంది. త్వరలోనే 18 ఏళ్లు పైబడినవారికి హెల్త్ కార్డులు అందనున్నాయి.

తెలంగాణలో 18 ఏళ్లు దాటిన ప్రతిఒక్కరికీ డిజిటల్ కార్డులు.. ఎందుకోసమంటే..!

MLHP Posts Under NHM, Siddipet

MLHP Vacancies Under NHM Telangana

Junior Research Fellow at IIT Hyderabad

Medical Doctor Posts in NAARM

Telangana Jobs

Disclaimer – Tsjobs.info

This website will not be responsible at all in case of minor or major mistakes or Inaccuracies. I at this moment declare that all the information provided by this website is true and accurate according to the recruitment notification advertisement or information brochure Etc. But sometimes mistakes by the website owner by Any means might happen just as typing errors eye deception or other from the recruiter side. Our effort and intention are to provide as correct details as much as possible, before taking any action please look at the recruitment notification or advertisement portal. “I Hope You Will Understand Our Word”.

Tsjobs.info